عصیزیمیزده مئدیالارین بوتون جامعهلرده بؤیوک نقش لره صاحیب اولدوغو دانیلمازدیر. آنجاق استعماری و غربی اؤلکه لرین مئدیالاری بو امکاناتدان نه هدفلر اوچون یارارلانیرلار؟! بو مئدیالاردا باشقا میللتلرین فرهنگلری, دوشونجه لری و اعتقادلاری نه قونوما (جایگاها) صاحیبدیر. بیر قیسا باخیش و آزاجیق دوشونمکله ماراقلی نتیجه لره شاهید اولوروق. بو مئدیالارین هدفی میللتلری بیلگیلهندیرمک دئییل؛ دوشونجهلرله فرهنگلرین گلیشمهسینه چالیشماق دئییل. باشقا میللتلره حاکیم اولماق اوچون مئدیالاری ابزار اولاراق قوللانیرلار.
مئدیالارین واسیطهسی ایله اقتصادی, سیاسی, فرهنگی سلطهلرینی بوتون دونیایا یایماق ایستهییرلر.
آشاغیدا بو مئدیالارین هدفلریندن ذئهنیمه گلن نئچه نمونه سیرالاییرام:
1- موخاطبلرینده کاذب احتیاجلار یارالتماق.
2- موخاطبلرینی مصرفچیلیییه (مصرف گرایی-یه) و اونلار ایسته دییی اجناسی (غربی اجناسی) الده ائتمهیه چالیشماق.
3- باشقا اؤلکهلرده بؤیوک مصرف بازاری یارالتماق.
4-موخاطبلری آلداتماق.
5- اؤزلرینی مودئل و الگو اولاراق تانیتماق.
6- اؤز فرهنگلرینی و اعتقادلارینی باشقا میللتلره انتقال وئرمک.
7- باشقا میللتلری و فرهنگلری تحقیر ائدیب اونلارا اهانت ائتمک.
8- غرب فرهنگینی باشقا فرهنگلره اوستون گؤستهرمک و...
یالنیز او مئدیالارین بعضی کیچیک خصوصیتلریدیر.
غربی و باشقا استعماری مئدیالار دونیاسیندا موخاطبلرین نه قدر بیلگیسیزلییی بیر اوقدر فایدالی! او مئدیالاردا موخاطبلرین بیلیگلهنمهسی اونلارین سلطهلرینی تهلوکهیه سالماق دئمکدیر! آگاهلاندیران مئدیالار، اونلارین پول-پارا ایله، یالانچیلیق ایله قورولموش قوندارما ایمپئراتورلوقلارینین داواملی اولماسی اوچون سوسدورولمالیدیر!
